شعر لواحده بحبها . حبيبتي يا.......

    شاطر
    avatar
    OMDA
    ادراى متميز

    عدد الرسائل : 204
    sms : My SMS عندما تعشق شخصا لا تنسى ان تساله متى موعد الخيانه
    التقييم : 0
    نقاط : 0
    تاريخ التسجيل : 09/01/2008

    شعر لواحده بحبها . حبيبتي يا.......

    مُساهمة من طرف OMDA في الأربعاء يناير 09, 2008 5:54 pm

    السلام عليكم يا احلي شباب لوف روم ليكم احلي شعر لواحده بحبها مصر ماحدش يفهم غلط عشان انت مصرى لازم تعانى
    وتفقد كرامتك بكل المعانى
    وتحرق فى دمك سنين مش ثوانى
    واوعى تصدق كلام الاغانى
    بتاع الحضاره وكانى ومانى
    ده كله هجايص مايدخل ودانى



    عشان انت مصرى العذاب بيناديك
    بتبدا فى يومك حاجات بترازيك
    فى نومك فى قومك تعكنن عليك
    تضايقك ولسه العماص فى عينيك
    مافيش ميه تشطف صابونه فى ايديك
    وجسمك ملزق وريحتك عاديك
    فتلبس وتنزل وفيك اللى فيك



    ورايح لشغلك حتحتاج مواصله
    ادى المترو واقف وكهربته فاصله
    وفى الميكروباص خناقه وحاصله
    اوتوبيس فرامله عايزالها وصله
    وتوك توك ده تايه ومحتاج لبوصله


    بتوصل لشغلك بدم اتحرق
    فى زحمه وكتمه وحر وعرق
    رئيسك سايبلك كومه ورق
    ده غير دمغه ضايعه وملف اتسرق
    وفى كام مواطن عامللك قلق
    بيشكى تقول له روح اندعق
    وعركه وهوجه وشاى اندلق
    ومخك خلاص من الصداع اتفلق


    هترجع لبيتك ده لو كان فى بيت
    هتوصل هتندم ياريتك ماجيت
    مراتك بتصرخ خلاص استويت
    عيالك بتطلب وهات كيت وكيت
    تزعق تهاتى ياناس اتهريت
    ولاحد سامعك مهما هاتيت



    عشان انت مصرى وده للاسف
    فلازم تاسى تعيش تتقرف
    وكل الاساسى فى حياتك ترف
    فتنسى الكرامه وتنسى الشرف
    وتسرق وتنصب او تنحرف
    ودمعك بيجرى وجرحك نزف
    مش انت اللى مصرى؟؟؟ جتك القرف

      الوقت/التاريخ الآن هو الأحد ديسمبر 16, 2018 3:35 am