من طرف saso السبت يناير 12, 2008 11:41 pm((حب ايه اللي انت جاي تقول عليه.. انت عارف قبلة معنى الحب ايه؟؟)
يا سلام عليكي يا سوما0 (أم كلثوم) كأنك عايشة معانا و عارفة حيرة شباب اليوم ....يااااااه ده الحب اتبهدل واتظلم و كلمة الحب فقدت بريقها ومعناها الحقيقي
أي واحد بيقابل واحدة حلوة شوية .. يقولها بحبك .. للأسف اغلب الشباب مش عارف الفرق بين الاعجاب والحب
واليكم هذا السيناريو ...بين روميو (الواد اللي مقطع السمكة وذيلها)) و الحب
الحب ـ ايه يا روميو يتقولها بحبك بالسهولة دي؟؟
روميو وماله هو الحب عيب ولا حرام؟؟؟ بحبها دي زي القمر قصدي القمر هو الللي زيها
الحب : بس انت يا ابني في بداية حياتك ده انت لسة ما انخرجتش و بتاخذ مصروفك من باباك
روميو: يعني ممنوع أحب لحد ما اتوظف واخد مرتب؟؟؟
ا
لحب لأ طبعا حب زي ما انت عايز لكن متقولش
روميو: يا سلاااااااااام عايزني أفضل احب واتعذب في صمت؟؟؟؟
عشان ايه بأه ان شاء الله
الحب: يا ابني الحب كلمة مش بالسهولة اللي انت فاكرها دي؟؟
روميو: بس انا خايف اكتم الحب في قلبي و البنت اللي بحبها تطير مني
الحب: تطير منك ايه انت هتتجوز بغبغان؟؟ يا ابني يا حبيبي انت لسة شاب قي بداية حياتك وشخصيتك ومشاعرك لسة بيتكونوا ازاي تقول كلمة حب بالبساطة دي ..ده الحب يعني وعد
روميو ماشي يا سيدي انا وعدتها...أوكي؟؟؟ اطلع منها انت بس
الحب: صدقني يا روميو انا عارف حالتك كويس انت مندفع في مشاعرك وأي حد في سنك عنده نفس المشكلة دي سمات سن المراهقة
روميو: مراهقة مين يا عم انت جاي تتفلسف علينا ؟؟؟؟؟؟
الحب: عمري ما هسامحك يا روميو لو قلت كلمة الحب وانت مش قدها .. بدل ما انت عمال تآوح كلامي ..روح ابني مستقبلك عشان تبقى جدير بالنت الي انت بتحبها بجد وبطل بأه شغل العيال ده اللي مفيش منه فايدة .. ذنبها ايه بس البنت الغلبانة دي وازاي عايز تربط نفسك بيها و تخليها تمشي في طرقك اللي انت لسة اصلا لم تبنيه....
روميو :بحبهااااا ومش ممكن اعيش من غيرها وانا منتظر منها كلمة موافقة عشان أتشجع وابني طريقي و مستقبلي اللي انت جاي تقولي عليه..........
اسدل الستار.................
ها يا جماعة ايه رأيكم في المشكلةدي... مين الظالم ومين المظلوم ..مين اللي معاه حق.... تخيل نفسك قاضي الغرام... و قل لنا رايك في الموضوع ....هل من حق الشاب خصوصا في سن المراهقة انه يصرح للفتاة التي أ حبها بحبه لها من غير مايكون نفسه ولا مستقبله؟؟؟
أم ان ذلك سيكون استهتار وعدم شعور بمسؤؤلية كلمة الحب لانه من المحتمل ان تتغير مشاعر هذا الشاب في هذه المرحلة العمرية(المراهقة) في أي وقت
